प्रधानमन्त्री ओलीको स्वस्थ्य अवस्था सामान्यः निजी चिकित्सक भन्छिन्ः नियमित काम गर्न सक्नुहुन्छ

प्रधानमन्त्री केपी शर्मा ओलीको स्वास्थ्य अवस्था सामान्य रहेको बताइएको छ।

प्रधानमन्त्री ओलीकी निजी चिकित्सक डा. दिव्या शाहले शुक्रबार एक विज्ञप्ति जारी गर्दै प्रधानमन्त्रीको स्वास्थ्य अवस्थाका बारेमा जानकारी दिएकी हुन्।

प्रधानमन्त्री ओली सिंगपुरमा १४ दिनको उपचारपश्चात शुक्रबार मध्यान्ह स्वदेश फर्किएका हुन्। विमानस्थलमै पत्रकार सम्मेलन गरेर उपचार र स्वास्थ्य अवस्था बारे जानकारी दिने बताइए पनि प्रधानमन्त्री ओलीले विमानस्थलमा कुनै प्रतिक्रिया दिएनन्।

प्रधानमन्त्री ओलीको शरीरमा बढी मात्रामा रहेको एन्टीबडीलाई वैज्ञानिक प्रविधिबाट हटाउने उपचार प्रक्रिया एनयुएचमा पूरा भएको बताइएको छ।

प्रधानमन्त्री स्वदेश फर्किएपछि निजी चिकित्सक शाहले विज्ञप्ति जारी गर्दै अवस्था सामान्य रहेको र नियमित कामकाज गर्न सक्ने जानकारी दिएकी हुन्।

‘हाल उहाँको स्वास्थ्य अवस्था सामान्य रहेको छ र उहाँले आफ्नो नियमित कामलाई निरन्तरता दिन सक्नुहुनेछ’, डा. शाहद्वारा जारी विज्ञप्तिमा भनिएको छ।

प्रधानमन्त्री ओली थाइ एयरबाट शुक्रबार मध्यान्ह १२:२५ बजे त्रिभुवन अन्तर्राष्ट्रिय विमानस्थल अवतरण गरेका हुन्।

सम्बन्धित र्शिषक

Leave a Reply

Your email address will not be published. Required fields are marked *